Póker

Loksins varð eitthvað úr þessu "Facebook" ævintýri hjá mér. Fram að þessu hefur þetta nú verið ansi tilgangslaust. Heyrði í vinnufélaga mínum sem sagðist vera að spila póker við vinnufélaga sinn í Bretlandi og þetta væri mjög sniðugt. Ákvað að prófa í gær. Viti menn fann félagana (ef þú er með fólk sem vini þá sérð þú ef þeir eru að spila og getur farið inn á þeirra borð, ef laust er) og tók smá póker með þeim. Þeir voru allt of góðir fyrir mig svo ég fór á borð þar sem upphæðirnar eru lægri. Spilaði frá fyrir sjö til að ganga eitt... Um kvöldið komu svo fleiri vinir inn á borðið mitt. Er svolítið gaman að geta spjallað á íslensku við hina íslendingana við borðið um t.d. hina útlendingana sem eru við borðið. Þetta er alveg afskaplega einfalt og kostar ekki neitt.

Endaði kvöldið með stæl og var búin að hreinsa upp ansi marga. Ég á því góða inneign til að geta spilað í kvöld .

Mæli með því að þeir sem ég hef sent boð um að prófa pókerinn að endilega skella sér í þetta, þá fæ ég líka auka "chips"...