Allt tekur enda

Já, kom í gær ansi þreyttur frá Hollandi. Eddi var með mér um helgina í Rotterdam (hann fór út á fimmtudeginum en ég á miðvikudeginum) og þeir sem hann þekkja þá á hann það til að komast í aðstæður þar sem boðið er upp á bjór... Við tókum pakkann á þetta, steikarstaðurinn góði, Palm, heimsókn til Kjartans og Gunndísar og svo kíkt út á lífið. Fórum svo heim saman í gær.

Ég skellti mér reyndar á Holland Luxemburg á laugardagskvöldið. Vorum í svona Skybox þ.e. sér herbergi með bar og borðum og geggjuðu útsýni út á völl. Þar var nóg af veitingum og svo útgangur út á sér stúku með upphituðum stólum. Því miður kom bara eitt mark en það var samt gríðarleg stemming í Hollendingum sem rauluðu mjög hallærisleg lög sem myndu sóma sér vel í þýskum skemmtiþætti á laugardagskvöldi þar sem menn halla sér saman í takt við tónlistina með bjórkrús í hönd. Það er alveg magnað hvað Hollendingar eiga það til að eyðileggja góða stemmingu fyrir útlendingum með því að skella á fóninn svona jódilei lögum með svaka bíti undir, hef alloft lent í miklum rökræðum við DJ'a... En lókallinn er að fíla þetta, ungt fólk sem á nú skilið eitthvað betra.

 

Fór svo út að borða með minni heittelskuðu í gærkvöldi og smá kaffi um kvöldið hjá tengdó.

Næsta ferð er svo ekki fyrr en þann 9 des, verð þá í 6 daga að koma nýjum manni inn í jobbið og þá er þessu RTM tímabili að ljúka. Á nú eftir að fara út aftur einhverntímann en ekki í þessu magni sem búið er að vera á þessu hausti.

Ég er að fara að spila á Gauknum á fimmtudaginn kl. 21:00! Allir á Gaukinn. Eins gott ég drífi mig heim á eftir og reyni að koma mér í form sem allra fyrst... Æfing í kvöld. Verða ábyggilega flottir tónleikar.

Svei mér þá ef næsta helgi er bara ekki nokkuð laus, komin tími á að slaka á heima við og hlaða batteríin fyrir næstu viku sem verður ansi bókuð...

 

 

Athugasemdir

[Jón Ingvar Bragason, 20.11.2007 kl. 10:57]

Sælir við þurfum endilega að hittast þegar þú kemur næst. Ég fer reyndar í próf 13. des en við gætum vel hist um kvöldið. Spurning um að festa tíma ef það gengur fyrir þig, svona til að hafa þetta eins og Hollendingarnir!

[Andrés Björnsson, 20.11.2007 kl. 14:09]

Já, ég hef nú alltaf ætlað að finna tíma til að kíkja til Leiden. Ég fer út þann 9 des og svo heim 15. Fer væntanlega e-h til Ítalíu í vikunni en ætti nú að hafa eitthvað kvöldið til að rúnnta til ykkar.  Spurning með einmitt 13 eða 14... Þetta skýrist á allra næstu dögum. Verðum í bandi. Kveðja, Andrés.