Eurovision!

Var úti í Viðey og missti af keppninni á laugardaginn. Taldi nú að þetta yrði barátta milli Eika og Heiðu. Kom mér svolítið á óvart að Heiða skyldi ekki ná inn á topp 3.

Er bara mjög sáttur við Eirík Hauksson, finnst þetta lag bara nokkuð gott. Svo kann kappinn náttúrulega öll trixin og ætti ekki að verða okkur til skammar... Þurfum að vinna okkur til baka nokkur stig frá því í fyrra! Sá hann í Kastljósinu í gær, maðurinn kemur einkar vel fyrir og er skemmtilegur.

Nú er bara spurningin hvort Eiki fái nokkuð að taka þátt í spekingaþættinum um Eurovision. Það væri nú synd ef hann væri búin að útiloka þáttöku í honum, veit ekki um nokkurn Íslending sem gæti tekið sæti hans þar. Þessir þættir eru alveg frábærir, tala nú ekki um að þeir menn eru látnir tala aulahrollsmál (skandinavísku). Gerir þetta svo nett hallærislegt, en skemmtilegt í senn.

 Áfram Ísland!

 

Athugasemdir

[Frú Helga (IP-tala skráð) 19.2.2007 kl. 19:49]

Ég sé ekki fram á að geta haldið með Íslandi á laugardagskvöldinu í Júróvisjónkeppninni, þar sem við eigum ekki eftir að komast uppúr undankeppninni, enn einu sinni KRÆST!!